من شهداء الثورة التحريرية

أنا وحدي غريب
أنا وحدي غريب والناس مافيهم نصاح**نشكيلو بشوق لحبيب ما صبتلوش ارواح
الله لالي سعيف أنا وياه معوليـــــــن**ناخضوا فج الخوف للوراس طالـــــــــبين
نلقوا لحباب وجملة لصــــــــــــــحاب**والي وصلهم ماخاب خوتي المجـــاهدين
ناخذ نا وياهم الغمرات في الليالي الظلمات**بارودنا كتات علعدو زادمـــــــــــين
الخنجر لماع في يدين ذراري ســــباع**عطشانين جواع كي جو مـــــــــــصمين
دخلو لبلاد قصدو قوم لضــــــــــــــداد**شبــــعوهم تنكاد لاصــابو الهربة ويــــن
وكذلك كانت له قصيدة الله أكبر التي يقول فيها:
موال القصيدة
ياويح الناس من الناس وياويحي نا من روحي
وياويح أم الصبي المسكين طول الليل تبات تحوحي
طاح مولا بيتها مثل القنطاس لا خبر لامنين توحي
القصيدة:
الله أكبر جدد ثاني وزيد كبراذكر الله قلبك يجبر وتشاهد لغنيمة ذات
بسمك نبدا ياربي والقلب معبي اللهم فرج كربي وكرب جميع المخلوقات
تايه فكري حايرنتفكر واش اللي صاير ما عظمها ثورة الجزاير عبرة تذكر كل وقات
ثارت الثورة يارجالي عيب البورة ماتخافوش منها صورة كثرو عنها الزعقات
جاهد يامجاهد نهض رجال الشدايد ياتوك مثل الشرايد عطشانة على الما جبات
حرر بلادك بين الامم أكشف عارك تبقى الذكرى عن اثارك حتى بعد الممات
خدعونا البيوعا عباد الدرهم واليسوعة بالامة عملو روعة دارو فتنة الخلق فنات
دارو المحال الحركة اهل الظلال اغترو بطول الامال لوذن طرشة والعين عمات
ذلت الرجال وتعفست داسوها لرذال ولا القتل للشبان بيهم لشعاب تعبات
رومي المصايب يانفسي راه الجزع خايب الصبر على المسلم واجب ومن الله نطلب الثبات
زادتني غصة كي تفضحت مدرجة القصة ياهمي نا من كيد فرنسا وهي على الضعيف تقوات
طالت لمحان ونعيط لامن جاني وينكم ياهل القرآن يا معتبرين الايات
ظلمت الطايع لعشي على الربع سوايع لايبقى لاشاري لا بايع ثم خمدت الحركات
كلمت الوحدة الجزاير راهي في شدة يا لسلام واش هذي القعدة والمسلم للمسلم خوات
لومي عليكم يالسلام ناحقي فيكم لله نشكي بيكم عندي حجة بالثبات
مصر العتيق تكلم بكلام يليق جمال يجمع بين الفريق ونشاله اجتمعت لصوات
نادي الرجال سكانين لوراس العالي نشكيلهم نا تغير حالي راسي شاب من الغمرات
صدقو بالوعد تركو الزوجة مع لولاد وتعاهدو من اليد لليد لايفترقو للممات
ظاهر متعين لاني ظالم حقي بين عند الله مانيش هينغير الحكمة عليا جرات
عملها كدرني نطلب ربي يصبرني نرجا نا يتحرر وطني ونزهى بعد الكدرات
غرو بالامة المتوظفين صحاب الحكومة خدعونا بهذيك الكلمة كذابةعلى الله فتارات
فاتو معاهم في الشمبرا حطو خطوط يديهم وحلفو بيمين لا يخونوهم عملو معاهم قوميات
قتلو لنفاس بالنميمة والوسواس مثل الشيطان بالقياس ولا هوما عملهم فات
سلبت النعمة ولفرانسا فتحت الخدمة وتكبست وضياقت عالامة وبالحيلة عليهم سنيات
شهادين الزور الايمة طفايين النور باعو الدين مثل الثور سرفو بيه في الشهوات
هو ربي عالم قال اذا عنت الظالم نا ظالم حديث قدسي بالروات